கேப்சிகம் பாத்

சிறுதானியத்தில் செய்யக்கூடிய லஞ்ச் ரெசிப்பிக்களை நமக்காக செய்து காண்பித்திருக்கிறார் சென்னையைச் சேர்ந்த சமையல் கலைஞர் கிருஷ்ணகுமாரி.

கேப்சிகம் பாத்

தேவையானவை:

வேக வைத்த சாதம் - ஒரு கப்

பெரிய வெங்காயம் - ஒன்று

தக்காளி - ஒன்று

இஞ்சி-பூண்டு விழுது - ஒரு டீஸ்பூன்

புளிக்கரைசல் - 4 டேபிள்ஸ்பூன்

மிளகாய்த்தூள் - ஒன்றரை டீஸ்பூன்

குடமிளகாய் - 2

புதினா, கொத்தமல்லித்தழை - சிறிதளவு

மஞ்சள்தூள் - கால் டீஸ்பூன்

கடுகு, உளுந்து, கடலைப்பருப்பு, 

சீரகம் - தலா அரை டீஸ்பூன்

வேர்க்கடலை - 2 டீஸ்பூன்

எண்ணெய், உப்பு - தேவையான அளவு

செய்முறை:

வாணலியில் எண்ணெய் விட்டு சூடாக்கி, கடுகு, உளுந்து, கடலைப்பருப்பு, சீரகம், வேர்க்கடலை சேர்த்துத் தாளிக்கவும். பிறகு பொடியாக நறுக்கிய வெங்காயம், தக்காளி, குடமிளகாய் சேர்த்து நன்கு வதக்கவும். இத்துடன் இஞ்சி-பூண்டு விழுது சேர்த்து பச்சை வாசனை போக வதக்கியதும் மஞ்சள்தூள், மிளகாய்த்தூள், உப்பு சேர்த்து வதக்கவும். பிறகு புளிக்கரைசல் சேர்த்துக் கொதிக்க விடவும். கரைசல் நன்கு கொதித்ததும், புதினா, கொத்தமல்லித்தழை தூவி இறக்கவும். இந்தக் கலவையை வேகவைத்த சாதத்தில் சேர்த்துக் கிளறவும். தேவைப்பட்டால், சிறிதளவு உப்பு, நெய் சேர்த்துக் கிளறவும். நோய் எதிர்ப்புச் சக்தியைத் தரக்கூடிய குடமிளகாயில் அருமையான சாதம் தயார்.

நன்றி : ஆரோக்கிய உணவுகள்