கும்பகோணம் கடப்பா குருமா

கடப்பா என்பது தஞ்சாவூர் பகுதிகளில் இட்லிக்கு தொட்டுக்கொள்ளும் குருமா போன்ற உணவாகும். இட்லியை சாம்பார் அல்லது சட்னியுடன் சாப்பிடுவதற்கு பதில் கடப்பாவை செய்து ருசிக்கலாம்.

*தேவையான பொருட்கள் :*

உருளை கிழங்கு - 2 வேக வைத்தது
பச்சை பருப்பு - 3 ஸ்பூன்
காலிபிளவர் துண்டுகள் - சிறிதளவு
கேரட் - 1
தக்காளி - 1
வெங்காயம் - 1
உப்பு - தேவைக்கு

*மசாலா அரைக்க :*

தேங்காய் துருவல் - 5 ஸ்பூன்
கசகாசா - 1 ஸ்பூன்
முந்திரி பருப்பு - 10
சீரகம் - 1 ஸ்பூன்
ஏலக்காய் - 2
சின்ன வெங்காயம் - 10
பச்சை மிளகாய் - 3

*தாளிக்க :*

சீரகம் - அரை ஸ்பூன்
கிராம்பு - 4
பட்டை - 1 சிறு துண்டு
எண்ணெய் - தேவைக்கு

*செய்முறை :*

👁‍🗨 பச்சை பருப்பு, உருளைக்கிழங்கை தனித்தனியாக வேக வைத்து கொள்ளவும்.

👁‍🗨 வெங்காயம், தக்காளியை பொடியாக நறுக்கி கொள்ளவும்.

👁‍🗨 காய்கறிகளை பொடியாக நறுக்கி கொள்ளவும்.

👁‍🗨 மசாலாவிற்காக கொடுக்கப்பட்டுள்ள பொருட்களை மிக்சியில் போட்டு நைசாக அரைத்து தனியே வைத்து கொள்ளவும்.

👁‍🗨 அடுப்பில் வாணலியை வைத்து எண்ணெய் ஊற்றி சூடானதும் சீரகம் தாளித்து அடுத்து கிராம்பு மற்றும் பட்டை, கறிவேப்பிலை போட்டு வதக்கிய பின் வெங்காயத்தை சேர்த்து வதக்கவும்.

👁‍🗨 வெங்காயம் சிறிது நிறம் மாறியதும் தக்காளி மற்றும் காய்கறிகளை சேர்த்து 2 நிமிடங்கள் வதக்கவும்.

👁‍🗨 அடுத்து வேக வைத்த பருப்பை சேர்த்து 1/2 கப் தண்ணீர் விட்டு சிறிய தீயில் கொதிக்க விடவும்.

👁‍🗨 காய்கறிகள் வெந்த பிறகு உருளைகிழங்கை கையினால் துண்டுகளாக்கி லேசாக மசித்து சேர்க்கவும்.

👁‍🗨 அடுத்து அதில் அரைத்த மசாலாவையும், தேவையான அளவு தண்ணீர் சேர்த்து கொதிக்க விடவும். உப்பு சரி பார்க்கவும்.

👁‍🗨 எல்லாம் ஒன்றுபோல் சேர்ந்து வந்ததும் அடுப்பை அணைத்து பரிமாறவும்.

நன்றி : கொளஞ்சியப்ப பாண்டியன் - சமைக்கலாம் வாங்க